Kanggo wong-wong Banyumas
kali Serayu duwe arti sing penting banget. Tembung “Serayu” asale sekang
tembung “soroh” (nyerahna) lan “hayu” (urip), sing artine sakabehan penyerahane
urip menungsa Banyumas kanggo alam semesta. Kiye awujud pemahaman kosmologi wong-wong
tradisional ing papan kuwe, yaiku kauripan menungsa ing donya dadi bagian sing
ora kaluput sekang alam semesta. Alam duwe kakuwatan sing dahsyat banget, sing
teyeng ngawehi pengaruh apa bae karo kauripan menungsa, ana positif karo
negatife.
Pas masane penyebaran
agama Hindu, kali Serayu digambar kaya analogi sekang kali Gangga ing India.
Ing papan Banyumas ana legenda kali Serayu. Sumber mata air kali kiye sekang
pegunungan Diang jenenge Tuk Bima Lukar. Jerene legenda sing nyebar, pembuatan
kali Serayu pas acara lomba karo para Korawa sing jumlahe 100 wong, dipimpin
Pendhita Drona. Bima nggaweni kali Serayu, lan Korawa nggaweni kali Klawing.
Sedugine ing salah
sijining papan, Bima karo punakawan nggelar tiker kanggo ngaso lan madhang.
Nanging urung sempet mangan bekel sing disiapake, Bima krungu sorak-sorakane
Korawa sing ngrasa yakin bakal menangna lomba kuwe. Akhire Bima ora sida ngaso.
Papan kanggo nggelar tiker siki kasebut ‘Dusun Gelaran’. Bima nyawang maring
arah Kidul lan katon para Korawa lagi pada pesta ngerayakna kemenangane. Papan
kanggo nyawang siki kasebut ‘Dusun Sawangan’ lan papan kanggo pestane korawa
kasebut ‘Somakaton’, sing asale sekang tembung para ‘Kusuma wus Katon’. Katelu
wilayah kuwe ana ing Kecamatan Somagede, Kabupaten Banyumas. Maras bakal kalah,
Bima mbanteri gaweane, lan akhire menangna perlombaan.
0 Response to "LEGENDA KALI SERAYU LAN KALI KLAWING ( Basa Banyumasan )"
Post a Comment